राजस्व आ भूमि सुधार विभाग के मंत्री डॉ दिलीप जायसवाल विधानसभा में शीतकालीन सत्र के दौरान कहलें कि भूमि सर्वे में रैयतों के होए वाला परेशानी के देखते हुए जल्दी ही सरकार भूमि सर्वेक्षण कराए खातिर स्वघोषणा प्रपत्र 2 के साथ जमा करे वाला ज़रूरी दस्तावेजवा के लेके एगो नया मसौदा तैयार करता जउन अगिलका सप्ताह तक जारी कर देहल जाई। इ नयका नियम से रैयत लोग के बहुते राहत मिल जाई।अब भूमि सर्वे करावेला स्वघोषणा आवेदन पत्र जमा करे खातिर खतियान के कौनो जरूरत नईखे। अब खतियान निकलवाए के खातिर परेशान भाईला के जरूरत नईखे।अब रउवा लोग एमे से कऊनो एगो कागज साक्ष्य के रूप में दे सकतानी। नमस्कार, रउआ लोग के पूनम एक प्रेरणा में बहुत बहुत स्वागत बा। आईं जानल जाव कि नयका नियम के अनुसार ऊ कौन कौन कागज हवे जेमे से कऊनो एगो कागज देके रउवा सर्वे में स्वघोषणा प्रपत्र 2 में आवेदन पत्र जमा कर सकतानी अऊर सर्वे अपना नाम पर करा सकतानी । त ई हऊ डॉक्युमेंट जेमे से कऊनो एगो कागज देके रउआ सर्वे में स्वघोषणा आवेदन प्रपत्र 2 भर सकतानी :•खाली रसीद देके भी सर्वे खातिर आवेदन कर सकतानी।
•खाता प्लॉट नंबर के जानकारी देके भी सर्वे खातिर आवेदन कर सकतानी।
•जमीन के नक्शा,प्लॉट के नक्शा से भी हो जाई सर्वे।
•अगर पन्ना फाट गईल बा, मिट गईल बा तबो करा सकतानी सर्वे।
•जमींदारी उन्मूलन के बाद भूतपूर्व मध्यवर्ती के दाखिल रिटर्न राजस्व लगान के रसीद देके भी सर्वे हो सकता ।
•फील्ड बुझारत पंजी बा तबो हो सकअता सर्वे।
•अंचल कार्यालय में संधारित में कही भी नाम बा तबो करा सकतानी सर्वे।
•जमीन के बटवारा भइल होई त बटवारा के समझौता पत्र के रिकार्ड जउन अंचलाधिकारी द्वारा प्रमाणित होई ओकरो से भी हो जाई सर्वे।
•रिवीजन सर्वे में कही नाम बा तबो सर्वे में ना होई कउनो दिक्कत।
•बासगीत पर्चा बा तब भी हो सकअता सर्वे।
•पिछिला सर्वेक्षण के कागज होई तबो हो जाई सर्वे।
•कउनो सक्षम न्यायालय के आदेश होई त ओकरो से होई सर्वे। कउनो जमीन विवाद के केस में रउआ पक्ष में आदेश भईल होई त ओकरो से होई सर्वे।
•खतियान के नकल, खतियान के पुरान रिकार्ड होई त ओकरो से होई सर्वे।•जमाबंदी संख्या के विवरणी के सत्यापित प्रति होई त ओकरो से हो जाई सर्वे।
•जेकरा नाम पर जमीन बा आ उनकर मृत्यु हो चुकल बा त मृतक के वारिस होए के प्रमाणपत्र से भी हो जाई सर्वे।
•जमीन के दस्तावेज/केवला/डीड से भी होई सर्वे।
•खतियान के प्रति/कापी से भी हो जाई सर्वे।
•दाखिल खारिज/ म्यूटेशन/ जमाबंदी के प्रमाणपत्र से भी होई सर्वे।
अगर रउआ लोग के पास एमे से कउनो एगो कागज होई त रउआ आधार कार्ड या सरकार द्वारा जारी कऊनो भी पहचान पत्र के साथ भूमि सर्वेक्षण में स्वघोषणा आवेदन पत्र प्रपत्र 2 जमा करा के आपन जमीन के सर्वे करा सकतानी।
उम्मीद बा इ जानकारी रउआ ला उपयोगी होई। एही तरह के नयका अउर रोचक जानकारी के लेके हम फेर मिलेम आपन अगला रचना में।तब तक ला ......
नमस्कार। धन्यवाद।